Shri annapurna chalisa – अन्नपूर्णा चालीसा
|| श्री अन्नपूर्णा चालीसा ||
|| दोहा ||
विश्वेश्वर पदपदम की रज निज शीश लगाय ||
अन्नपूर्णे तव सुयश बरनौं कवि मतिलाय ||
|| चौपाई ||
नित्य आनंद कारिणी माता
वर अरु अभय भाव प्रख्याता ||
जय सौंदर्य सिंधु जग जननी
अखिल पाप हर भव भय हरनी ||
श्वेत बदन पर श्वेत बसन पुनि
संतन तुव पद सेवत ॠषिमुनि ||
काशी पुराधीश्वरी माता
माहेश्वरी सकल जग त्राता ||
बृषभारूढ़ नाम रुद्राणी
शिव विहारिणी जय कल्याणी ||
पतिदेवता सूत शिरोमणि
पदवी प्राप्त कीन्ह गिरि नंदिनी ||
पति विछोह दुख सहि नहि पावा
योग अग्नि तब बदन जरावा ||
देह तजत शिव चरण सेनहू
राखेहु जाते हिमगिरी गेहू ||
प्रकटी गिरिजा नाम धरायो
अति आनंद भवन महँ छायो ||
नारद ने तब तोहिं भरमायहु
ब्याह करन हित पाठ पढ़ायहु ||
ब्रह्मा वरुण कुबेर गनाये
देवराज आदिक कहि गाय ||
सब देवन को सुजन बखानी
मतिपलटन की मन महँ ठानी ||
अचल रहीं तुम प्रण पर धन्या
कीन्ही सिद्ध हिमाचल कन्या ||
निज कौ तव नारद घबराये
तब प्रण पूरण मंत्र पढ़ाये ||
करन हेतु तप तोहिं उपदेशेउ
संत बचन तुम सत्य परेखेहु ||
गगनगिरा सुनि टरी न टारे
ब्रह्मा तब तुव पास पधारे ||
कहुउ पुत्रि वर माँगु अनूपा
देहुँ आज तुव मति अनुरूपा ||
तुम पर कीन्ह अलौकिक भारी
कष्ट उठायेहु अति सुकुमारी ||
अब संदेह छाँड़ि कछु मोसों
है सौगंध नहीं छल तोसों ||
करत वेद विद ब्रह्मा जानहु
वचन मोर यह सांचो मानहु ||
तजि संकोच कहहु निज इच्छा
देहौं मैं मन मानी भिक्षा ||
सुनि ब्रह्मा की मधुरी बानी
मुखसों कछु मुसुकायि भवानी ||
बोली तुम का कहहु विधाता
तुम तो जगके स्रष्टधाता ||
मम कामना गुप्त नहिं तोंसों
कहवावा चाहहु का मोसों ||
इज्ञ यज्ञ महँ मरती बारा
शंभुनाथ पुनि होहिं हमारा ||
सो अब मिलहिं मोहिं मनभाय
कहि तथास्तु विधि धाम सिधाये ||
तब गिरिजा शंकर तब भयऊ
फल कामना संशय गयऊ ||
चन्द्रकोटि रवि कोटि प्रकाशा
तब आनन महँ करत निवासा ||
माला पुस्तक अंकुश सोहै
करमँह अपर पाश मन मोहे ||
अन्नपूर्णे सदपूर्णे
अज अनवद्य अनंत अपूर्णे ||
कृपा सगरी क्षेमंकरी माँ
भव विभूति आनंद भरी माँ ||
कमल बिलोचन विलसित बाले
देवि कालिके चण्डि कराले ||
तुम कैलास मांहि ह्वै गिरिजा
विलसी आनंदसाथ सिंधुजा ||
स्वर्ग महालक्ष्मी महलायी
मर्त्यलोक लछमी पदपायी ||
विलसी सब मँह सर्व सरूपा
सेवत तोहिं अमर पुर भूपा ||
जो पढ़िहहिं यह तुव चालीसा
फल पइहहिं शुभ साखी ईसा ||
प्रात समय जो जन मन लायो
पढ़िहहिं सुरुचि अधिकायो ||
स्त्री कलत्र पनि मित्र युत
परमैश्वर्य लाभ लहि अद्भुत ||
राज विमुखको राज दिवावै
जस तेरो जन सुजस बढ़ावै ||
पाठ महा मुद मंगल दाता
भक्त मनो वांछित निधिपाता ||
|| दोहा ||
जो यह चालीसा सुभग पढ़ि नावहिंगे माथ |
तिनके कारज सिद्ध सब साखी काशी नाथ ||
|| Doha ||
Vishveshvar padapadam kee raj nij sheesh lagaay ||
Annapoorne tav suyash baranaun kavi matilaay ||
|| Chaupaee ||
Nity aanand kaarinee maata
Var aru abhay bhaav prakhyaata ||
Jay saundary sindhu jag jananee
Akhil paap har bhav bhay haranee ||
Shvet badan par shvet basan puni
Santan tuv pad sevat rshimuni ||
Kaashee puraadheeshvaree maata
Maaheshvaree sakal jag traata ||
Brshabhaaroodh naam rudraanee
Shiv vihaarinee jay kalyaanee ||
Patidevata soot shiromani
Padavee praapt keenh giri nandinee ||
Pati vichhoh dukh sahi nahi paava
Yog agni tab badan jaraava ||
Deh tajat shiv charan senahoo
Raakhehu jaate himagiree gehoo ||
Prakatee girija naam dharaayo
Ati aanand bhavan mahan chhaayo ||
Naarad ne tab tohin bharamaayahu
Byaah karan hit paath padhaayahu ||
Brahma varun kuber ganaaye
Devaraaj aadik kahi gaay ||
Sab devan ko sujan bakhaanee
Matipalatan kee man mahan thaanee ||
Achal raheen tum pran par dhanya
Keenhee siddh himaachal kanya ||
Nij kau tav naarad ghabaraaye
Tab pran pooran mantr padhaaye ||
Karan hetu tap tohin upadesheu
Sant bachan tum saty parekhehu ||
Gaganagira suni taree na taare
Brahma tab tuv paas padhaare ||
Kahuu putri var maangu anoopa
Dehun aaj tuv mati anuroopa ||
Tum par keenh alaukik bhaaree
Kasht uthaayehu ati sukumaaree ||
Ab sandeh chhaandi kachhu moson
Hai saugandh nahin chhal toson ||
Karat ved vid brahma jaanahu
Vachan mor yah saancho maanahu ||
Taji sankoch kahahu nij ichchha
Dehaun main man maanee bhiksha ||
Suni brahma kee madhuree baanee
Mukhason kachhu musukaayi bhavaanee ||
Bolee tum ka kahahu vidhaata
Tum to jagake srashtadhaata ||
Mam kaamana gupt nahin tonson
Kahavaava chaahahu ka moson ||
Igy yagy mahan maratee baara
Shambhunaath puni hohin hamaara ||
So ab milahin mohin manabhaay
Kahi tathaastu vidhi dhaam sidhaaye ||
Tab girija shankar tab bhayoo
Phal kaamana sanshay gayoo ||
Chandrakoti ravi koti prakaasha
Tab aanan mahan karat nivaasa ||
Maala pustak ankush sohai
Karamanh apar paash man mohe ||
Annapoorne sadapoorne
Aj anavady anant apoorne ||
Krpa sagaree kshemankaree maan
Bhav vibhooti aanand bharee maan ||
Kamal bilochan vilasit baale
Devi kaalike chandi karaale ||
Tum kailaas maanhi hvai girija
Vilasee aanandasaath sindhuja ||
Svarg mahaalakshmee mahalaayee
Martyalok lachhamee padapaayee ||
Vilasee sab manh sarv saroopa
Sevat tohin amar pur bhoopa ||
Jo padhihahin yah tuv chaaleesa
Phal paihahin shubh saakhee eesa ||
Praat samay jo jan man laayo
Padhihahin suruchi adhikaayo ||
Stree kalatr pani mitr yut
Paramaishvary laabh lahi adbhut ||
Raaj vimukhako raaj divaavai
Jas tero jan sujas badhaavai ||
Paath maha mud mangal daata
Bhakt mano vaanchhit nidhipaata ||
|| Doha ||
Jo yah chaaleesa subhag padhi naavahinge maath |
Tinake kaaraj siddh sab saakhee kaashee naath ||
Shri annapurna chalisa – अन्नपूर्णा चालीसा