Shiva raksha stotram lyrics – शिव रक्षा स्तोत्र

|| श्री शिव रक्षा स्तोत्र ||

चरितं देवदेवस्य महादेवस्य पावनम्
अपारं परमोदारं चतुर्वर्गस्य साधनम् || १

गौरीविनायकोपेतं पंचवक्त्रं त्रिनेत्रकम्
शिवं ध्यात्वा दशभुजं शिवरक्षां पठेन्नरः || २

गंगाधरः शिरः पातु भालमर्धेंदुशेखरः
नयने मदनध्वंसी कर्णौ सर्वविभूषणः || ३

घ्राणं पातु पुरारातिर्मुखं पातु जगत्पतिः
जिह्वां वागीश्वरः पातु कन्धरां शितिकन्धरः || ४

श्रीकंठः पातु मे कण्ठं स्कन्धौ विश्वधुरन्धरः
भुजौ भूभारसंहर्ता करौ पातु पिनाकधृक || ५

हृदयं शङ्करः पातु जठरं गिरिजापतिः
नाभिं मृत्युंजयः पातु कटी व्याघ्राजिनाम्बरः || ६

सक्थिनी पातु दीनार्तशरणागतवत्सलः
ऊरु महेश्वरः पातु जानुनी जगदीश्वरः || ७

जंघे पातु जगत्कर्ता गुल्फौ पातु गणाधिपः
चरणौ करुनासिन्धुः सर्वांगानि सदाशिवः || ८

एतां शिवबलोपेतां रक्षां यः सुकृती पठेत्
स भुक्त्वा सकलान् कामान् शिवसायुज्यमाप्नुयात् || ९

ग्रहभूतपिशाचाद्यास्त्रैलोक्ये विचरन्ति ये
दूरादाशु पलायन्ते शिवनामभिरक्षणात् || १०

अभयंकरनामेदं कवचं पार्वतीपतेः
भक्त्या बिभर्ति यः कण्ठे तस्य वश्यं जगत्त्रयम् || ११

इमां नारायणः स्वप्ने शिवरक्षां यथाऽऽदिशत्
प्रातरूत्थाय योगीन्द्रो याज्ञवल्क्यस्तथाऽलिखत् || १२

|| इति शिवरक्षास्तोत्रं ||

charitam devdevasya mahadevasya pavanam,
aparam paramodaram chaturvargasya sadhanam. 1

gourivinayakopetam panchavaktram trinetrakam,
shivam dhyatva dashabhujam shivaraksham pathennarah. 2

gangadharah shirah patu bhalamardhendusekharah,
nayane madanadhvansi karnau sarvavibhushanah. 3

ghranam patu puraratirmukham patu jagatpatih,
jihvaam vagishvarah patu kandharam shitikandharah. 4

shrikanthah patu me kantham skandhau vishvadhurandharah,
bhujau bhubharasanharta karau patu pinakdhruk. 5

hridayam shankarah patu jatharam girijapatih
nabhim mrutyunjayah patu kati vyagrajinamber. 6

sakthini patu dinartasharanagatavatsalah,
uru maheshvarah patu januni jagadishvarah. 7

janghe patu jagatkarta gulphau patu ganadhipah,
charanau karunasindhuh sarvangani sadashivah. 8

etam shivabalopetam raksham yah sukruti pathet,
sa bhuktva sakalan kaman shivsayujyamaapnuyat. 9

grahabhutpishaachaadyastrailokye vicharanti ye,
duradashu palayante shivanambhirakshanat.  10

abhayankaranamedam kavacham parvatipateh,
bhaktya bibharti yah kanthe tasya vashyam jagattrayam.  11

imam narayanah svapne shivaraksham yatha̕̕dishat,
pratarootthay yogindro yagnyavalkyastatha̕likhat.  12

|| iti shivarakshastotram ||

Shiva raksha stotram lyrics – शिव रक्षा स्तोत्र

गजेंद्र मोक्ष स्तोत्रम्

श्री राम रक्षा स्तोत्र